top of page

Молитва за нацијата - Духовно будење, сочувство и надеж


Господи Татко, доаѓам пред Тебе, во моќното име на Исус, и понизно се молам за духовно будење да ја зафати мојата земја. Разбуди го моето срце и срцата на моите сограѓани да Те бараат, да се покаат за гревовите и да се вратат кон Тебе. Оживеј нè, Господи, и обнови страст за Твоето присуство и глад за Твојот Збор. Стојам на ветувањето на Твојот Збор, знаејќи дека ако се понизиме и го бараме Твоето лице и да се одвратиме од нашите лоши патишта, Ти ќе чуеш на Небото. Прости ни ги гревовите и излекувај ја нашата земја. Господи, искрено се молам за духовно будење на нашиот народ. Запали божествен оган во нашите срца да Те бараме и да се покаеме за нашите гревови и да се вратиме назад кон Тебе. Оживеј ги нашите цркви, обновини ја нашата вера и обнови ни длабок копнеж за Твоето присуство. Твојот Свет Дух да дојде и да се движи силно низ нашата земја, трансформирајќи ги нашите животи и да нѐ доведе до покајание за да ја примиме Твојата милост и благодат за да го запознаеме: Патот, Вистината и Животот: Исус Христос!

Во Моќното Име на Исус Христос се молам Небесен Татко, ти благодарам Господи Свет Дух за совршените молитви, ти благодарам Господи Исусе за Твојата пресвета крв. Амин! 


Библиско писмо:

  • Псалм 50/9-13:  Сврти го лицето Свое од гревовите мои и избриши ги сите мои беззаконија. Создај чисто срце во мене, Боже, и дух вистински обнови во мене. Не отфрлај ме од лицето Свое и Светиот Дух Твој не одземај Го од мене. Врати ми ја радоста, спасувајќи ме и со Својот моќен Дух зацврсти ме. Беззакониците ќе ги научам да одат по Твоите патишта, и безбожниците кон Тебе ќе се обрнуваат.

  • Псалм 84/4-7:  Поврати нè, Боже, спасение наше и одврати ја Твојата јарост од нас. Зар вечно ќе се гневиш на нас, или ќе го протегнеш гневот Свој од род во род? Нема ли Боже, да се повратиш, и пак да нè оживееш, и луѓето Твои да се зарадуваат во Тебе? Покажи ни ја Господи, Твојата милост и подари ни спасение.

  • 2. Летописи 7/14: И Мојот народ, кој се именува со Моето име, се смири, почне да се моли, да го бара лицето Мое и се одврати од своите лоши патишта, Јас ќе чујам од небото и ќе му ги простам гревовите негови и ќе ја излекувам земјата негова.

  • Дела  3/19-20: Покајте се, пак, и обратете се, за да се очистите од гревовите ваши, за да дојдат времиња за освежување од лицето Господово, и Тој да ви Го прати вам претскажаниот Исус Христос!



 

Господи Татко, доаѓам пред Тебе, во моќното име на Исус, и понизно се молам за дух на сочувство да се проникне во мојата земја. Исполни ги нашите срца со Твојата љубов и сочувство, за да можеме да покажеме сочувство кон повредените, угнетените и маргинализираните. Помогни ни да ги видиме другите низ Твоите очи и да можеме да постапуваме со добрина и милост. Стоиме на ветувањето на Твојот Збор, знаејќи дека Ти си Отецот на сочувство и извор на сета утеха. О, најмил Господи, се молам сега за правично срце да се всади во нас како народ. Помогни ни да покажеме добрина, љубов и разбирање еден кон друг. Да можеме и ние да бидеме народ кој дава милост и благодат, одејќи понизно пред Тебе и да бараме правда за угнетените. Нека биде сочувството водечки принцип во нашите интеракции и акции, како одраз на Твојата вечна љубов кон овој скршен свет.

Во Моќното Име на Исус Христос се молам Небесен Татко, ти благодарам Господи Свет Дух за совршените молитви, ти благодарам Господи Исусе за Твојата пресвета крв. Амин! 


Библиско писмо:

  • Михеј 6/8:  О, човеку, речено ти е што е добро и што бара од тебе Господ да работиш правично, да сакаш милосрдни дела и смирено да врвиш пред твојот Бог.

  • 1. Петар 3/8-9: А најпосле, бидете сите еднодушни, жалостиви, братољубиви, милосрдни, дружељубиви, понизни. Не враќајте зло за зло или хула за хула, туку, напротив: благословувајте, знаејќи дека за тоа сте повикани за да наследите благословение.

  • Галатјани 6/9:  Кога правиме добро, тоа нека не ни биде здодевно, зашто во свое време ќе пожнееме, не заморувајќи се.

  • Ефесјани  4/32:  А еден спрема друг бидете добри, сочувствителни, проштавајќи си еден на друг, како што и Господ Бог ви прости во Христа.





Господи Татко, доаѓам пред Тебе, во моќното име на Исус, и понизно се молам за обновено чувство на надеж да ја исполни мојата нација. Среде искушенија и предизвици, потсети не дека Ти си нашата непоколеблива надеж и сидро во секое невреме. Врати ни ја надежта во срцата на уморните, обесхрабрените и скршените. Остануваме на ветувањето за Твојот Збор, знаејќи дека Ти си изворот на сета надеж и тоа дека имаш планови да нѐ унапредиш и да ни дадеш иднина исполнета со надеж. Нека Твојот Свет Дух нѐ исполни со радост и мир додека ја полагаме нашата доверба во Тебе Свет Татко. Зајакни ги уморните, подигни ги обесхрабрените и поправи го скршеното срце. Помогни ни да ја закотвиме нашата надеж во твоите ветувања, знаејќи дека ја држиш нашата иднина во Твои светли раце!

Во Моќното Име на Исус Христос се молам Небесен Татко, ти благодарам Господи Свет Дух за совршените молитви, ти благодарам Господи Исусе за Твојата пресвета крв. Амин! 


Библиско писмо:

  • Исаија 40/31:  А оние кои се надеваат на Господа, ќе ја обноват силата своја ќе кренат крилја како орли, ќе трчаат и нема да им биде тешко, ќе одат и нема да се уморат.

  • Еремија 29/11: Оти само Јас ги знам замислите, што сум ги смислил за вас, вели Господ, замислите за добро, а не за зло, за да ви дадам иднина и надеж.

  • Римјани 15/13:  А Бог на надежта нека ве исполни со секаква радост и мир во верата, и преку силата на Светиот Дух вашата надеж да се преумножува.

  • Евреите  11/1: А верата е жива претстава за она, на кое се надеваме, и докажување на она, што не се гледа.

 

1 view

留言


bottom of page